Kurs der Oberstufe C1-C2. Beschreibung nur in Esperanto

• Konversacia kurso por lingvolernantoj kaj -instruistoj, kiuj bone regas Esperanton por diskuti pri interesaj kaj aktualaj temoj kiel rolo de familio kaj vivi sole, generaciaj konfliktoj, sana vivo kaj malsanoj, artefarita intelekto en nia vivo, ktp. Partoprenantoj povos sisteme pliriĉigi sian vortotrezoron en la traktitaj terenoj (uzante la retan temvortaron de la kursgvidanto), ekkoni interkulturajn diferencojn, ankaŭ klarigi tiklajn gramatikaĵojn.

• 

  Aldone posttagmeze aŭ vespere okazos prelegoj pri lingvo kaj kulturo.

• Ilona Koutny naskiĝis kaj edukiĝis en Hungario, ekde 1997 ŝi vivas en Pollando. Ŝi doktoriĝis pri lingvistiko en la Budapeŝta Eötvös-Universitato (ELTE, HU), kie ŝi instruis dum jardeko ĉe la Esperanto-fako. Ŝi habilitiĝis ĉe la Universitato Adam Mickiewicz en Poznano (AMU, PL), kie ŝi gvidis la Hungaran Katedron kaj dum 26 jaroj ankaŭ la internaciajn postdiplomajn Interlingvistikajn Studojn. Nun profesoro emerita. Esplorterenoj: internacia kaj interkultura komunikado, lingvo kaj kulturo, esperanta gramatiko kaj leksikografio. Publikigas en pluraj lingvoj (kelkajn publikaĵojn vd en la retejo de la Studoj).

Kurs der Mittelstufe B1-B2. Beschreibung nur in Esperanto

• Frank Lappe estas esperantisto el Frankfurto ĉe Majno kaj partoprenanto de la unujara Instruista Trejnado en Poznano pri metodiko de lingvoinstruado. Komence li lernis Esperanton memstare en 2016, sed la unuan kurson li sekvis en Greziljono!
• Ĉi tiu kurso celas progresantojn aŭ progresintojn, kiuj ne jam facile parolas Esperanton.
• La kurspartoprenantoj ne bezonas kunporti lernolibron, la kursmaterialo el diversaj fontoj haveblas dum la kurso. Ni ankaŭ ludos kaj spektos filmojn.
• La instrua lingvo estos Esperanto ekde la unua tago, ĉar verŝajne la kunkursanoj venos el diversaj landoj. Krom tio, tiel ni tre frue enprofundiĝu en la cellingvon. Ni volas trejni ĉefe nian parolkapablon, sed ankaŭ nian lego- kaj aŭdkomprenon.
• Ni prepariĝu ankaŭ al la kurso pri medicina Unua Helpo, kiu sekvos je la fino de la semajno.
  Ĝi okazos sendepende de la lingvokurso, sed estas malferma al ĉiuj interesiĝantoj.

• La ekzamena komisiono de UEA okazigas tutmondan KER-ekzamenon je la niveloj B1, B2, C1.
• La ekzameno konsistas el skriba kaj parola partoj. La skriba parto okazas papere-ĉeeste-fizike en Greziljono (kaj aliloke tutmonde) la 11-an de julio 2026 je la 8-a horo.
• Aliĝo okazas en edukado.net ĝis la 1-a de julio. Bv. atendi postan precizigan retmesaĝon.
• Kotizo kaj pago: Por bazaj landoj, la kotizo por nurskriba ekzameno estas 40 € pour B1-, 45 € pour B2-, 50 € por C1-nivelo. Post ekzamenaliĝo, vi ricevos fakturon de UEA kaj pagos al indikita UEA-konto. Legu detale en edukado.net
• La ekzameno okazos la 11-an de julio 2026 kaj komenciĝas precize je la 8a horo!
• Post sukcesa plena ekzameniĝo, vi ricevos PDF-formatan atestilon kaj raporton pri la rezultoj.
• Por tiuj, kiuj ŝatus trapasi ankaŭ la parolan parton, estos ebloj ekzameniĝi aŭ la 12an de julio rete, en la propra hejmo, aŭ papere la 7an de aŭgusto dum UK.
• Pri KER, Komuna Eŭropa Referenckadro por lingvoj, jen vikipedio.org. Jen edukado.net pri la ekzameno, specimenoj, regularo. Por pliaj informoj skribu al ker-ekzamenoj edukado.net
• Muzike :-) Jen JoMo KER-kantas.

• Koutny Ilona
  • Ĝentileco kaj konversaciaj temoj en Esperanto
  • Esperanta kulturo: ĉu internacia, ĉu transprenita au propra?
  • Mondo, vortoj kaj vortaro
  • Interkultura komunikado kaj Esperanto
  • Esperantlingva bildo de la mondo
• Bert Schumann: Bliss, logika ideograma skribsistemo
• Ankaŭ vi mem povas prelegi.

NB: La Organiza Societo de Intenaciaj Esperanto-Konferencoj (OSIEK) okazigis Intenaciajn Esperanto-Konferencojn (IEK) de 1988 ĝis 2019, poste malfondiĝis. IEK 2018 okazis en Greziljono. Ekde 2020, Greziljono daŭrigas tiun tradicion okazigante IEK-ojn pri variaj temoj. La partoprenantoj mem prelegos.