Turismo en Anĵuo (2018-jul-15/21)

Semajno de ĉiĉeronado en la regiono Anĵuo
de dimanĉe 15-a de julio ĉ. 18h ĝis sabate 21-a de julio 2018 tagmeze
 
Paralele : Speciala Esperanto-semajno, legi plu

LA SEMAJNO RESUME

P R O G R A M O

Dimanĉe : Alveno de la partoprenantoj ĝis dimanĉe vespere

  • 19h vespermanĝo
  • 20h30 prezento de la ekskursceloj ate de Catherine kun resumo pri la historio de la francaj reĝoj dum la renesanca periodo

Lunde : matena ekskurso al Plessis-Bourré, posttagmeza ekskurso al Baugé

  • 10h libera vizito kun nia ĉiĉerono de la kastelo inter mezepoko kaj Renesanco de Plessis-Bourré en Cheffes konstruigita de Jean Bourré, ministro de la franca reĝo Ludoviko la 11a kiu reĝis de 1461 ĝis 1483
  • 13h tagmanĝo en Grésillon
  • 14h30 vizito de la Apotekejo (1675) de la tiama hospitalo en Baugé
  • promenado tra Baugé kaj vizito de la kapelo kie videblas la vera kruco de Anjuo
  • 19h vespermanĝo en Gresillon
  • 20h30 prelego de nia ĉicêrono Catherine Kremer pri la arto de murtapiŝoj

Marde : tuttaga ekskurso al Angers, (pikniko)

  • 10h mezepoka kastelo de la urbo Angers malantaŭ blanka kaj nigra ĉirkaŭmuro kun 17 turoj ; interne oni malkovras la tapetaron pri la Apokalipso mendita de la reĝo de Anĵuo, Ludoviko la 1a ĉirkaŭ 1370.
  • 11h vizito de la malnova urbo kaj katedralo de Angers.
  • 13h pikniko
  • 14h murtapiŝo Kanto de l’Mondo en la muzeo Jean Lurçat en Angers, teksita en Aubusson (urbo de centra Francujo) de 1957 ĝis 1966, ĝi spegulas la tapetaron mezepokan por esprimi kosman vizion pri Homo en Paco kaj Gloro.
  • 19h vespermanĝo en Gresillon


Merkrede : tuttaga ekskurso al Villandry, Azay le Rideau kaj Chinon, (tagmanĝo en restoracio)

  • 10h Ni vizitos la famajn ĝardenojn de la renesanca epoko de la kastelo de Villandry
  • 12h30 restoracio en Azay-le-Rideau
  • 14h En la urbeto Azay-le-Rideau, ni vizitos la perlon de la renesancaj kasteloj (16-a jarcento)
  • Ni vidos de ekstere la reĝan fortikaĵon de Chinon kie Johana de Arko renkontis la reĝon Karlo la 7a (patro de Ludoviko la 11a) en 1429
  • 17h15 Ni vizitos la domon La Devinière kie naskiĝis la fama verkisto Rabelais fine de la 15a jarcento apud Chinon
  • 19h30 vespermanĝo en Gresillon

Jaŭdo : tuttaga ekskurso al Saumur, pikniko kaj vizito de Fontevraud, (pikniko)

  • 10h Kadro Nigra, nacia armea lernejo de rajdado ekde 1815, vizito de la ĉevalejo, rajdejo, selejo
  • 11h15 vizito kun nia ĉiĉerono de la kastelo de Saumur
  • pikniko apud la kastelo
  • 14h30 Abatejo de Fontevraud : 900 jaroj da historio, grandega bieno. Ekde la 12a jc. Dum la regno de Ludoviko la 14a (17a jc.), nobelaj junulinoj ricevis tie kristanan edukadon. Napoleono la 1a ordonis la fermon de la abatejo por transformi ĝin al malliberejo kie oni nombris ĝis 2000 viroj ; la malliberejon oni fermis nur en 1963.
  • 19h vespermanĝo
  • 20h30 gustumado de anĵuaj vinoj

Vendrede : tuttaga ekskurso al Amboise kaj Chenonceaux, (tagmanĝo en restoracio)

  • La reĝo Karlo la 8a naskiĝis en la kastelo de la urbo Amboise, konstruigis reĝan loĝejon per italaj laboristoj kiam li ekregis en 1491 (komenco de la franca renesanco).
  • 11h Vi renkontos la lastan reĝon kiu vivis en Luar-kastelo, Francisko la 1a kaj Leonardon de Vinĉi, ni vizitos la domon Le Clos Lucé , apud la kastelo de la reĝo, en kiu Da Vinci vivis de 1516 ĝis sia morto en 1519
  • 13h15 restoracio en Amboise
  • 15h45 Proksime de Amboise, situas la kastelo de la komunumo Chenonceaux, nomita la kastelo de la damoj, tie vivis Diana de Poitiers kaj Katarina de Mediĉoj
  • 19h30 vespermanĝo

Sabate : foriro matene aŭ post la tagmanĝo

PREZO kaj ALIĜO al restado en Greziljono
  • Ĉioinkluziva prezo por la restado kun 5 tagoj da ekskursoj kaj 6 noktoj, inkluzivante la tranoktojn, manĝojn, transporton en buseto, ĉiĉeronon, enirbiletojn :
    • por ĉambro kun 1 lito : 500 €
    • por ĉambro kun 2 litoj : 450 €
    • por ĉambro kun 3 ĝis 5 litoj : 400 €
    • NB : La trinkaĵoj en la restoracioj kaj kastelo aldone pagendas.
  • Klaku ĉi tien por aliĝi.
    -* Redukto de 5% validas por aliĝo kun antaŭpago de 100 € almenaŭ 2 monatojn antaŭ komenco.

Teamo : Jannick Huet, Catherine Kremer


Aliĝintoj : Jannick, Catherine, Lorenzo ...

Loĝlokoj de la partoprenantoj : FR : 35510 Cesson-Sévigné, 55100 Verdun, 71700 Tournus ...

Afiŝi mapon kun la loĝlokoj de la partoprenantoj.
Kontaktu nin pri kun-veturadokonsultu tie.


Foto el 2015

Opinioj, reagoj 2015
Mi havis tre agrablan ekskursan semajnon kaj multon vidis de la kasteloj ĉe Loire-rivero.
Bert dW
Mi elkore dankas por tre kontentaj 6 tagoj en Greziljono. Mi neniam forgesos belan someron ĉe vi !!
Amike Ricko
Tiuj estis por mi kaj mia edzino tre agrablaj kaj neforgeseblaj tagoj. Refoje dankon al la tuta skipo, kiu tre ĝentile akceptis kaj akompanis nin.
Amiko via, Enivaldo
La ekskurso estis tiel mirinda kaj feliĉa. Ĉu la vilaĝa sonorilo ankoraŭ sonas je la sepa horo matene ? Kaj ĉu oni plu manĝas le pain à l’ancien ?
Bondezirojn al ĉiuj, C.H.
Mi volas danki vin kaj la teamon ĉe Gresillon por via bonega zorgado de ni dum la antaŭ-kongresa semajno. Ni ĝuis ĉion - la ĉirkaŭaĵon, la manĝaĵon, la gvidantojn kaj la lokojn kiujn ni vizitis. Gratulojn al bonege organizita ekskurso.
Amike Heather
Mi volas atesti pri la tre bona sperto kiun mi havis ĉe Kastelo Gresillon. La manĝaĵo estis bona, ĉe la kastelo, ĉe pikniko aŭ ĉe restoracioj. La vinoj estis eble plej bonaj. Mi aparte ĝuis la vinon de ’Kastelo Gresillon’. La turisman parton mi ĝuis plej, pli ol iam mi atendis, kaj aparte ĝuis la historion de la kasteloj. Kaj mi lernis "ne sidiĝi sur la malnovj mebloj".
Johano Bonamano
Mi elkore dankas vin por la tre bona, feliĉa antaŭ-kongresa ekskurso. Ni vizitis ege interesajn lokojn, kie montriĝis tiel belegaj vidindaĵoj. Via scio pri la regiono tie donis vivon al ĝia amaso da historio. Ni ĉiuj ĝuis anekdotojn, rakontojn pri kasteloj ktp. Gresillon ja situas en belega parto de Francio, ĉu ne ? Ankaŭ via organizado estis mirinda. Ĉio okazis sen problemoj - ŝajnas al mi. Eble vi ne konsentas kun tio. La tuta afero estis spektakla kaj plenplena da amuzo.
Fartu bone ! Amike Chris