SOMERaS        (2017-aŭg-21/28)

                internacia danco-semajno, pupteatro kaj Esperanto-kursoj
de lundo, 21-a de aŭgusto, 18h ĝis lundo, 28-a de aŭgusto, tagmeze
read in English

ENHAVO => PROVIZORE
 
  • DANCOJ KAJ MUZIKO
  • E-KURSOJ
    • Jean-Luc Kristos (Aŭvernjo) Ludu ni por paroli iomete, multe, pasie !
    • Elisabeth Barbay (Francilio) Kurso por komencantoj, blinduloj aŭ vidantoj
    • Bert Schumann (Bretonujo) Ekzercoj por individuaj malfacilaĵoj pri gramatiko aŭ libera parolo
  • POR INFANOJ
    • Elisabeth Barbay (Francilio) Ateliero por instrui fabrikadon de brak-ringoj el elastaĵoj
    • Bert Schumann (Bretonujo) Piĵamorakontoj por infanoj, projekcio de ĉinaj infanlibroj
    • Elisabeth Barbay (Okcitanujo) Animado per ludodancoj por infanoj
    • Emmanuelle Ravot ?? (Franĉkonteo) Ludoj kunlaboraj : paraŝuto ktp.
    • Cédric Forgeau ?? (Rodan-Alpoj) Lumpentraĵo (foto, kunportu lumilon kaj fotilon)
    • Françoise Noireau (Okcitanujo) Popoldancoj por infanoj (eĉ aŭtistaj) kaj muzika inico por novaj instrumentistoj (muzikkurso sen notinstruo, lerni facile laŭ orelo, ĉiuj kordinstrumentoj)

POPOLDANCOJ
  • Tradiciaj popoldancoj estas tre amuzaj kaj amasigas po centojn da dancemuloj ! Kompreneble danci por sia propra plezuro, sen montri sin al publiko, alportas al ĉiu sanigan korpan ekzercon, mensan streĉiĝon por lerni la movojn kaj ĉefe plezuran manieron konatiĝi kun la aliaj. Popoldanci eblas por ĉiuj ! Ĝi kreas fratecan amikan etoson !
  • Françoise estas popolviolonistino pri popoldancoj de diversaj regionoj de Francio kaj de Eŭropo. Dédé estas popolviolonisto kaj akordionisto pri bretonaj dancoj. Ili dancigos al vi polkojn, skotiŝojn, valsojn, mazurkojn, androojn, gavotojn, rondoojn de franca Sudokcidento, cirkecajn cirklojn, ŝapelŭazojn, bureojn de Centra Francujo, eŭskajn/bearnajn saltojn...
  • Danka estas pola dancinstruistino kiu konatigos vin kun folkloraj dancoj – ĉefe en rondo sed ankaŭ en ĉeno aŭ paroj – de Eŭropo kaj eĉ de Israelo ! Krome prelego pri cirklodancoj kaj maniero noti paŝojn.
  • Martin estas popolkant- kaj -muzikulo sveda. Li proponos al vi en Esperanto feroajn ĉendancojn per baladoj – pri kio li ankaŭ prelegos – kaj violone popolmuzikon svedan por pardancoj tradiciaj. Lia retejo.
  • Tradukado okazos laŭbezone inter la franca kaj Esperanto.

Aktivaĵo : KANTU ni !
  • Jean-Luc celas valorigi la francan popkantaron al francaj kaj eksterlandaj esperantistoj.
  • Akompanante sin per propra piano, li proponas al vi kanti simple por la plezuro, uzi la lingvon en gaja kaj neordinara etoso.
  • Temas pri unuvoĉaj kanzonoj similaj al tiuj, kiujn vi kantas en via banĉambro. Kion kanti ? Kanzonojn kantatajn en Esperanto, popajn kaj tradiciajn, francajn famaĵojn kaj movade konatajn kantojn el diversaj landoj.

Kurso : LUDI por PAROLI
  • LUDU ni por PAROLI iomete, multe, pasie ! Simpla, parola komunikado ĉiutaga en etoso ĝoja, ludema kaj feriema.
  • Jean-Luc proponos al vi ludojn tre diversajn por instigi vin paroli pli kaj pli : rakontoj ; divenoj ; puzloj ; poezio ; enigmoj ; tabuaj vortoj ; priskribo de bildoj, krei rakonton. Okaze de ludoj, aŭ post peto, li pritraktos gramatikajn punktojn. Ĉiu ludo estos ankaŭ okazo por lerni novajn vortojn.
  • Se vi, pli malpli, uzas skribe la bazajn regulojn kaj ankoraŭ ne kuraĝas paroli, tiu "paroliga kurso" estas por vi !

Pupoj : OBJEKT-TEATRO
  • Kreado de propra manpupoj bezonas longan tempon. Anstataŭe ni uzos materialojn, kiujn ni trovos surloke, aŭ kiujn vi kunportis, ekzemple ŝuojn, vestaĵojn ktp. Vi povas hejme serĉi kaj kunporti specialajn objektojn - preskaŭ ĉiu ĉiutaga objekto taŭgas. El tiuj objektoj ni kreos niajn pupojn. Vidu foton.
  • Christoph laboros kun la pli aĝaj infanoj (ekde 8 jaroj) kaj plenkreskuloj (eble en 2 grupoj), Ines okupiĝos pri la pli junaj infanoj (ĝis 7 jaroj), samtempe kaj samloke.
  • Per la kreitaj objektoj, la infanoj en la sekvaj tagoj elpensas etajn pupteatraĵojn kaj montros la rezulton dum la adiaŭa vespero.

Pupoj : ?? KIEL LUDI per manpupoj
  • Tiu seminario-kurso direktas sin al ĉiuj infanoj kaj plenkreskuloj, kiuj ŝatas ludi per manpupoj. Ne necesas, ke vi jam spertas pri manpupludado.
  • La kurso utilas ankaŭ al tiuj plenkreskuloj, kiuj aŭ profesie agas kun infanoj aŭ havas proprajn infanojn.
  • Christoph inter alie pritraktos tiujn temojn : produkti kapojn por manpupo ; diversaj metodoj teni figuron ; bazaj movoj ; diversaj tipoj/karakteroj da pupoj ; trovi la ĝustan voĉon ; kion pripensi pri la scenejoj, rekvizitoj ; kulisoj ; lumo ; kiel ludi por infanoj ; kiuj kriterioj validas, se infanoj ludas per pupoj.

Pupoj : PUPTEATRAJ SPEKTAKLOJ
  • En ? vesperoj okazas ? profesiaj spektakloj en pupteatra kastelo : marde ??a, vendrede ??a de aŭgusto ĉirkaŭ la 20a horo. Ĉu ? Aldone okazas fabela nokto ĉe la kamena fajro, merkredon ?an de aŭgusto.
  • Christoph elektas surloke kiujn spektaklojn li prezentas, laŭ la aĝo kaj lingva nivelo de la partoprenantoj, probable „...“.
  • Se vi tro scivolemas, kaŝrigardu jam nun ĉie tie, sed nepre ne malkaŝu tion al la artisto.
  • Christoph estis edukisto kaj gvidanto de infanĝardeno dum multaj jaroj. En 1983 li kreis magiistan kaj pup-teatron ’Zauberbühne’. Hodiaŭ li laboras kiel memkrea artisto kaj seminariestro, membras en germanaj pupteatra kaj magiista asocioj kaj pri Arto en Internacia Akademio de Sciencoj (AIS) San Marino.
  • NB : La spektado aparte pagendas : ?20 € por 1 persono kaj la 2 spektakloj. Ekstera publiko bonvenas.

PREZO kaj ALIĜO al restado en Greziljono
  • La prezo de via restado kalkuliĝas aŭtomate dum via reta aliĝo. Por taksi la prezon, sufiĉas indiki la aĝkategorion, ĉambron kaj nombron de noktoj.
  • Prezo ekde 8 € tage (kurso kaj aktivaĵoj, tendejo, memzorganto). Reduktita prezo pri manĝoj, kursoj kaj aktivaĵoj por infano, adoleskanto aŭ homo kun modestaj rimedoj.
  • Ĉioinkluziva prezo por la restado du plenkreskulo dum 8 tagoj, inkluzivante la tranoktojn, manĝojn, kursojn, aktivaĵojn : inter 319 kaj 540 € (tendejo 274 €).
  • Redukto de 5% validas por aliĝo kun antaŭpago de 100 € almenaŭ 2 monatojn antaŭ la komenco.
  • Klaku ĉi tien por aliĝi. Ĉiuj niaj tarifoj tie. Por alia tarifo, bv. kontakti nin.

Teamo : Bert Schumann, Jannick Huet, Guillaume Bourgalet


Aliĝintoj : Bert & Jannick, Christoph & Ines, Danka, Elisabeth, Françoise & Dédé, Jean-Luc, Marcelle, Martin ...

Infanoj/junuloj kun aĝo : ...

Loĝlokoj de la partoprenantoj : DE-78628 Rottweil ; SE-78473 Borlänge ; FR : 29310 Querrien, 35510 Cesson-Sévigné, 44450 St-Julien-de-Concelles, 63120 Ste Agathe, 81630 Tauriac, 93140 Bondy ...

Afiŝi mapon kun la loĝlokoj de la partoprenantoj.
Kontaktu nin pri kun-veturadokonsultu tie



vidi televidan filmeton