KURSO C1-C2 « Kuraĝe antaŭen ! »

• Instruanto : Paweł FISCHER-KOTOWSKI estas esperantisto el Pollando, kiu ekde du jaroj loĝas en Nederlando. En la movado li aktivas ekde 2010, en diversaj roloj, i.a. kiel komitatano de UEA kaj ĝenerala sekretario de TEJO. Li kunorganizis kelkajn Esperanto-aranĝojn, redaktis la Jarlibron de UEA kaj la soci-kulturan revuon “Kontakto”. Li diplomiĝis en la Interlingvistikaj Studoj de UAM (Poznano, PL) kaj en la Instruista Trejnado de ILEI kaj Edukado.net.
  Dum kelkaj jaroj li uzis Esperanton kiel hejman kaj poste ankaŭ laborejan lingvon (en la Centra Oficejo de UEA). Nuntempe li laboras kiel bibliotekisto en la Reĝa Biblioteko en Hago, kaj en sia libera tempo rete instruas Esperanton kadre de la programo “Ekparolu !” en edukado.net.

• Celo : Akiri la nivelon C1-C2 laŭ tiu difino. La kursanoj de tiu nivelo havu alvenante minimume la nivelon B2. La kurso alprenas preparan karakteron por postaj ekzamenoj. La kurso liveras utilan enhavon ankaŭ por lernantoj de pli alta nivelo, kiuj deziras trapasi C2-ekzamenon.

• Kurslibroj : Lernolibro ne estas postulata, la necesaj materialoj estos liveritaj de la kursgvidanto. Vortaro ne necesas, sed utilas.

• Prezento : La kurso celas personojn, kiuj jam konas la bazajn gramatikajn regulojn de Esperanto, sed volas plifirmigi kaj plivastigi sian scion, kaj aldone pligrandigi la vortprovizon. La kurso disvolviĝos laŭ diversaj metodoj, individuaj kaj grupaj, atenton ricevos ĉiuj kapabloj (aŭskultado kaj parolado, legado kaj skribado). La kursanoj lernos novajn gramatikaĵojn kaj tuj ekuzos ilin praktike (parole kaj skribe). Dum la kurso estos prezentitaj diversaj aspektoj de la Esperantaj kulturo kaj historio. La kursanoj ricevos informojn pri la KER-ekzamenoj kaj povos pretigi sin por la ekzameno je la nivelo B2.

KURSO B2 « Aktive al certeco »

• Instruanto : Birke DOCKHORN, germana esperantistino de pli ol 30-jaroj, loĝas en norda Germanujo kaj ĝuas la (ĉefe esperantlingvan) ĉiutagan vivon kun sveda edzo, du infanoj, kelkaj hejmbestoj kaj multaj ŝatokupoj. Profesie ŝi estas lingvoinstruistino por la germana lingvo. Ekde 2016 ŝi plejparte koncentriĝis pri la profesiorilata germana por flegistoj kaj kuracistoj kaj laboras nun en granda kliniko, por helpi al eksterlandaj kunlaborantoj lingve integriĝi. Ŝi kunlaboris ankaŭ en la internacia EU-projekto deutsch.info, kiu kreis retpaĝon kun informoj kaj lingvokurso por lernantoj de la germana.
  En la movado ŝi dum la jaroj aktivis pri instruado de Esperanto, ekz. en SES kaj NASK, kunlaboris por la Manlibro por instruado de Esperanto kaj verkis la ekzercojn por la kurso La teorio Nakamura en lernu.net. Krome ŝi muzikas kun Bertilo en la Esperanta duopo Duo Bemolo.

• Celo : Akiri la nivelon B2 laŭ tiu difino. La kursanoj de tiu nivelo havu alvenante minimume la nivelon B1. La kurso alprenas preparan karakteron por postaj ekzamenoj.

• Kurslibroj : Lernolibro ne estas postulata, la necesaj materialoj estos liveritaj de la kursgvidanto. Vortaro ne necesas, sed utilas.

• Prezento : La kurso celas personojn, kiuj jam konas la bazajn gramatikajn regulojn de Esperanto, sed volas plifirmigi kaj plivastigi sian scion, kaj aldone pligrandigi la vortprovizon. La kurso disvolviĝos laŭ diversaj metodoj, individuaj kaj grupaj, atenton ricevos ĉiuj kapabloj (aŭskultado kaj parolado, legado kaj skribado). La kursanoj lernos novajn gramatikaĵojn kaj tuj ekuzos ilin praktike (parole kaj skribe). Dum la kurso estos prezentitaj diversaj aspektoj de la Esperantaj kulturo kaj historio. La kursanoj ricevos informojn pri la KER-ekzamenoj kaj povos pretigi sin por la ekzameno je la nivelo B2.

KURSO B1 « Lernu kun ĝojo ! »
 

• Instruanto : KÓRÓDY Zsófia, hungarino loĝanta en la Esperanto-urbo Herzberg am Harz, Germanujo, kerna aktivulo de la fama Interkultura Centro Herzberg. Ŝi diplomitiĝis en la universitato ELTE en Budapeŝto, laboris kiel profesia lingvoinstruisto pri la angla, hungara kaj Esperanto kaj verkis gramatikan ekzercaron.

• Celo : Akiri la nivelon B1 laŭ tiu difino. La kursanoj de tiu nivelo havu alvenante minimume la nivelon A2-B1. Bonvenas ĉiuj kiuj deziras pli flue paroli, esprimi siajn opiniojn, sentojn kaj lerni sufiĉan gramatikon por esti kapabla uzi Esperanton por ĉiutaga konversaciado. La kurso helpos al tiuj, kiuj poste celas trapasi lingvoekzamenon. Zsófia tajloras la kurson al la nivelo de la partoprenantoj, uzas interesajn materialojn kaj taŭgajn metodojn kaj montros, ke oni povas lerni kun ĝojo !

• Kurslibroj : Tendaraj tagoj, volumoj 2 kaj 3 de Stefan MacGill kaj la preparlibro al KER-ekzamenoj Esperanto de nivelo al nivelo (elŝutebla). Krome rekomendata estas la libro Bonvenon en nia mondo de Bent Jensenius, havebla en libroservoj (13 €).

• Prezento : La kurso koncentriĝos je pliampleksigo de vortprovizo, parolturnoj kaj ilia utiligo en konversaciado kaj rakontado. Tiu kurso traktos ĉiujn gravajn gramatikaĵojn, preparos kursanojn al la ekzameno per ekzercoj, taskoj, kunlaborigaj ludoj, konversaciado kaj rol-ludado.

KURSO A1-A2 « Ni kuneku ! »

• Instruanto : Marion QUENUT estas lingvo­trejnisto kaj instruas la okcitanan kaj la francan por eksterlandanoj en Tuluzo kaj rete. Pro pasio pri lingvoj, ŝi kreis kaj administras de 2006 la retpaĝaron toulangues.org, tuluza portalo pri la lingvoj de la mondo. Ŝi komencis sian lernadon de Esperanto en 2006 per staĝo kun Esperanto­Kultur­Centro de Tuluzo. De tiam, ŝi regule gvidas staĝojn kaj kursojn por tiu asocio kaj en diversaj esperanto-renkontiĝoj.

• Celo : Akiri la nivelon A1 aŭ A2 laŭ tiu difino. Ĉi tiu kurso estas destinata al tutkomencantoj aŭ al personoj, kiuj jam eklernis Esperanton, sed ankoraŭ konsideras sin komencantoj.

• Kurslibro : Ne estas rekomendata lernolibro, la kurso baziĝos sur nepublikigita materialo

• Prezento de la kurso : Ĉi tiu kurso havos kiel akson la parolan komunikadon jam de la komenco, sed aliaj kompetentoj (komprenaj, skribaj) estos prilaborataj dum la semajno, interalie per ludaj aktivigoj.

Internacia KER-ekzameno

• Niveloj : La ekzamena komisiono de UEA okazigas KER-ekzamenojn je la 4 niveloj B1, B2, C1 kaj C2. Se vi bezonas helpon por elekti la ekzamenan nivelon, bv. kontaktu nin.
• Ekzamenpartoj : La ekzameno konsistas el skriba kaj parola partoj. La parola parto konsistas el aŭdkomprena parto kaj intervjuo. La skriba kaj aŭdkomprena (parola) partoj okazas rete kaj oni devos trapasi ilin en sia hejmo. La intervjua parto eble okazas fizike en Greziljono.
• Aliĝo : okazas en edukado.net. Bv. atendi postan precizigan retmesaĝon.
• Kotizo kaj pago : Por bazaj landoj, la kotizo por nurparola aŭ nurskriba ekzameno estas inter 18 € (B1) kaj 65 € (B2-nivelo), duoble por la kompleksa ekzameno. Post ekzamenaliĝo, vi ricevos fakturon de UEA kaj pagos al indikita UEA-konto. Legu detale en edukado.net
• Atestilo : Post sukcesa plena ekzameniĝo, vi ricevos PDF-formatan atestilon kaj raporton pri la rezultoj.
• Pri KER, Komuna Eŭropa Referenckadro por lingvoj, jen vikipedio.org. Jen edukado.net pri la ekzameno, specimenoj, regularo. Por pliaj informoj skribu al ker-ekzamenoj edukado.net
• Muzike :-) Jen JoMo KER-kantas.

PROGRAMO de la kursoj kaj ekzamenoj

• vendrede, 17an de aprilo
  • posttagmeze alveno de la kursanoj. Ĉiu trovas littukojn sur sia lito en sia kastela ĉambro
  • 18h30 akcepto kun aperitivo
  • 19h30 vespermanĝo
  • 20h30 interkonatiĝo kaj prezento de la kursoj
• Taga disvolviĝo de sabato, 18a de aprilo ĝis sabato, 25a de aprilo
  • 8h-8h30 matenmanĝo
  • 9h-12h kurso kun via instruisto
  • 12h30 tagmanĝo
  • 14h distraĵoj proponitaj de Jannick aŭ individua laboro
  • 16h30-18h30 kurso
  • 19h vespermanĝo
  • 20h30 vespera programo
• dimanĉon, 26an de aprilo matene
  • foriro de la partoprenantoj (konsiloj)
• La ekzamenoj okazos sabaton posttagmeze kaj eventuale dimanĉon matene.

• La prezo de via restado kalkuliĝas aŭtomate dum via reta aliĝo. Por taksi la prezon, sufiĉas indiki la aĝkategorion, ĉambron kaj nombron de noktoj.
• Prezo ekde 10 € tage (kurso kaj aktivaĵoj, tendejo, memzorganto). Reduktita prezo pri manĝoj, kursoj kaj aktivaĵoj por infano, adoleskanto aŭ homo kun modestaj rimedoj.
• Ĉioinkluziva prezo (krom ekzameno) por la restado de plenkreskulo dum 7 tagnoktoj, inkluzivante la tranoktojn, manĝojn, kursojn, aktivaĵojn : inter 293 kaj 485 € (tendejo 266 €).
• Redukto de 5% je la ĉioinkluziva prezo validas por aliĝo kun antaŭpago de 100 € almenaŭ 2 monatojn antaŭ la komenco.
• La lernantoj kiuj ekzameniĝas, ricevos senpagan tranokton por la lasta nokto.
• Klaku ĉi tien por aliĝi. Ĉiuj niaj tarifoj tie. Por alia tarifo, bv. kontakti nin.

Teamo : Jannick Huet, Bert Schumann

Aliĝintoj 2026 : Birke, Jannick & Bert, François, Jean, Léa, Lise Marie-Hélène, Marion, Mikaela, Paweł, Ursula, Zsófia,

Aliĝintoj 2025 : Alain, Alexandra, Bernardette, Chrstine, Daimi & Miguel-Ángel, François, Jannick & Bert, Francis, Françoise, Gérard, Jean, Jean-Marie, Kaj, Konstantin & Marta k Aaron, Latifou, Lionel, Lise, Marie-Paule, Marion, Martine & Max, Mike, Natacha, Nathalie A, Nathalie & Alain, Nicole & Paul, Noel & Annie, Paweł, Pierrette, Raphaël, Stano, Tim, Xavier. Yann, Virginie ...

Loĝlokoj de tiuj partoprenantoj 2026 : DE-19073 Schossin, 37412 Herzberg am Harz, 48159 Münster, NL-3061 Rotterdam, RE-97411 Saint-Paul, FR-26300 Bourg de Péage, 31100 Toulouse, 35510 Cesson-Sévigné, 44400 Rezé, 75019 Paris, 78126 La Celle Saint Cloud, 86000 Poitiers

Loĝlokoj de tiuj partoprenantoj 2025 : BJ-Lokossa ; CU-La Habana ; DK-Farum, NL-Diemen, Rotterdam, UK-Cambridge, London, Wembley, FR-02210 Muret et Crouttes, 11110 Armissan, 11300 Magrie, 22130 Corseul, 22630 Les Champs Geraux, 24000 Périgueux, 26300 Bourg de Péage, 26550 Die, 31100 Toulouse, 35510 Cesson-Sévigné, 35700 Rennes, 36330 Velles, 37510 Saint Genouph, 38190 Les Adrets, 38660 Lumbin, 51330 Dampierre-le-Château, 51400 Les Petites Loges, 64100 Bayonne, 69100 Villeurbanne, 72270 Mézeray, 75019 Paris, 78126 La Celle Saint Cloud, 91600 Savigny-sur-Orge

Afiŝi mapon kun la loĝlokoj de la partoprenantoj. 2025
Kontaktu nin pri kun-veturado aŭ konsultu tie